給家長的說話

唔知家長填報名表嘅時候有冇留意到我哋報名表上既第一句：「報選課程前，請家長與畫室仔細溝通，以保證為小朋友選擇喜歡的藝術課程。」？

我哋希望家長報名前諗清楚想小朋友得到嘅係什麼？我哋係一間畫室，唔係補習社，我哋一直希望畫室可以成為小朋友壓力環境下的一片樂土，畫畫技術係需要長時間嘅累積，而小朋友嘅創意同熱誠係需要快樂去幫佢哋延續，加上依家時代嘅變化，藝術唔再係局限於傳統嘅素描、油畫，更重要嘅係具有個人特色嘅創意和故事表達，對於小朋友嘅教學，我哋一向都係採取鼓勵小朋友自由發揮從開心學習嘅方針，我哋嘅角色係作為一個引導或啟蒙者而唔係批判者，我哋唔會批判小朋友嘅作品對與錯，只會幫助小朋友喺佢哋嘅作品基礎上引導佢哋如何做得更加好，無論係作品嘅使用媒介、顏料、合理性和故事表達，我哋都會鼓勵小朋友大膽創作，如果一味地追求作品的美感，忽視咗獨特性，咁就更似係模仿機器失去左佢嘅真正樂趣，靚係可以靠模仿，但容易缺乏創意和特色，而創意好多係先天，或前期培養，本身嘅性格息息相關，我哋唔應該為左追求靚而壓制小朋友原有思想。

“Every child is an artist. The problem is how to remain an artist once he grows up.”

“每個孩子都是藝術家。問題是長大後如何保持藝術家身份。”

巴勃羅·畢卡索(Pablo Picasso)